Имзои созишнома

Душанбе, 20 январ. (АМИТ «Ховар», Кристина Эрлих).- Имсол корҳо барои татбиқи Лоиҳаи таҷдиду сохтмони системаҳои таъмини оби 7 деҳаи шаҳру ноҳияҳои Кулоб, Восеъ ва Панҷ оғоз меёбанд. Лоиҳаи мазкур дар ҳошияи Созишномаи лоиҳавии байни Корхонаи воҳиди давлатии «Хоҷагии манзилию коммуналӣ» ва Бонки рушди Осиё, ки соли 2013 имзо шуда буд, дар амал татбиқ мегардад. Директори генералии Корхонаи воҳида давлатии «Хоҷагии манзилию коммуналӣ» Алимурод Тағоймуродов дар ҷараёни нишасти матбуотӣ аз рӯи натиҷаи фаъолият дар соли 2013 дар ин бора изҳор дошт.Мувофиқи суханони Алимурод Тағоймуродов, чанде пеш гуфтушунид бо Бонки рушди Осиё анҷом ёфта ва вақтҳои наздиктарин Маркази татбиқи лоиҳа ташкил меёбад. Баъди таҳияи асноди дахлдор корҳо дар ҳошияи лоиҳа, ки маблағи умумии он 4 миллиону 900 ҳазор доллари ИМА – ро ташкил медиҳад, шурӯъ мешаванд.