Мусодираи зиёда аз 9 кило маводҳои нашъадор
Душанбе, 28 январ. (АМИТ «Ховар», Лутфия Эшонкулова).-Аз тарафи кормандони Вазорати корҳои дохилии ҶТ зиёда аз 9 кило маводи нашъадор мусодира шуд.
Тавре ки сомонаи расмии ВКД хабар медиҳад, зимни гузаронидани чорабиниҳои фаврию ҷустуҷӯӣ кормандони Раёсати таҳқиқи Вазорати корҳои дохилӣ бо гумони даст доштан дар гардиши ғайриқонунии маводи нашъадор сокини ноҳияи Рӯдакӣ Искандар Раҳматшоевро дастгир намуданд.
Ҳангоми кофтукови шахсӣ аз дохили бастаи селофанӣ 5 килою 580 грамм маводи нашъадори ҳашиш ва 1 килою 940 грамм афюн, дар мачмӯъ 7 килою 520 грамм дарёфт ва мусодира шуд.
Ҳамчунин аз ҷониби кормандони шуъбаи ВКД дар шаҳри Хуҷанд ҳамчун гумонбар дар ғайриқонунӣ нигоҳ доштани маводи нашъадор шаҳрванд Илҳом Ҳусейнов, соли таваллудаш 1974, сокини ноҳияи Мастчоҳ дастгир карда шуд. Ҳангоми кофтукови шахсӣ аз ӯ як бастаи селофанӣ, ки дар дохилаш 2 килою 334 грамм маводи нашъадори ҳашиш дошт, дарёфт ва мусодира шуд.
Аз рӯи далелҳои мазкур мутобиқи моддаи 200 қисми 4 КҶ ҶТ парвандаи ҷиноӣ оғоз гардида, тафтиш идома дорад.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
