«Равшан» рӯйхати бозингаронашро барои Ҷоми АФК-2014 пешниҳод намуд

Душанбе, 7 январ, (АМИТ «Ховар», Ситора Раҷабова).-Қаҳрамони дукаратаи футболи Тоҷикистон — дастаи Равшан-и Кӯлоб рӯйхати бозингаронашро барои ширкат дар Ҷоми АФК-2014 муайян намуда, ба Конфедератсияи футболи Осиё пешниҳод кард.Дар ин рӯйхат номи 24 футболбоз навишта шудааст, ки аз ин миён се нафарашон легионерҳо мебошанд: Мусо Содиқ (Эрон), Гершон Акуффо (Гана) ва Сайриддин Ғаффоров (Ӯзбекистон). Тибқи муқаррароти АФК, роҳбарияти «Равшан» метавонад то ҳафт рӯзи қабл аз бозии аввал боз панҷ нафари дигарро пешниҳод кунанд.Ёдовар мешавем, ки тими Равшан-и Кӯлоб қувваозмоиро дар Ҷоми АФК-2014 аз даври плей-офф оғоз намуда, рӯзи 2-юми феврал дар нахустин дидор бо тими Ал-Ярмук-и Яман дар яке аз варзишгоҳҳои Тоҷикистон ба сабқат мебарояд.Дар ин бора аз Федератсияи футболи Тоҷикистон иттилоъ доданд.