Санҷиши шаҳрвандони ихроҷшуда аз тариқи телефонҳои мобилӣ

Душанбе, 20 январ. (АМИТ«Ховар», Лайло Қосимова). — Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон ба диққати тамоми шаҳрвандон- муҳоҷирони меҳнатӣ мерасонад, ки акнун онҳо метавонанд аз тариқи телефонҳои мобилии худ ба сомонаи Хадамоти муҳоҷирати Федератсияи Русия ворид шуда, қабл аз сафар ба ФР маълумоти шиносномаро аз тариқи системаи он-лайн (Online) дохил карда, худро санҷанд. Тавре ки аз шуъбаи робитаи хадамот иттилоъ доданд, албатта, ин маълумотҳо танҳо дар сомонаи Хадамоти федеролии муҳоҷират (ФМС) буда, санҷиши дигар аз тариқи Хадамоти амнияти федеролӣ (ФСБ) сурат мегирад. Аз ин рӯ , Хадамоти муҳоҷирати Вазорати меҳнат, муҳоҷират ва шуғли аҳолӣ аз тамоми шаҳрвандон — муҳоҷирони меҳнатӣ хоҳиш мекунад, ки ҷиҳати санҷиш дар масъалаи ихроҷ ва дигар намуди хизматрасониҳо ба хадамот муроҷиат намоянд.