Ҷанговарони интернатсионалист дар Душанбе ҷамъ меоянд

     Душанбе, 12.02.2014.(АМИТ «Ховар», Марзия Саидова).- 15 феврали соли 2014 аз хуруҷи ҷузъу томҳои  Артиши собиқ Иттиҳоди Шӯравӣ аз хоки Афғонистон 25 сол сипарӣ мегардад. 
         Дар ин росто раиси шаҳри Душанбе Маҳмадсаид Убайдуллоев дар асоси муроҷиати Иттиҳоди интернатсиалистони  собиқадори ҷумҳурӣ қарор ба тасвиб расонд. Тибқи ин қарор аз ҷониби шаҳрдорӣ ҷиҳати баргузории чорабинӣ вобаста ба ин санаи таърихӣ 15 феврал дар назди муҷассамаи А. Мироненко, воқеъ дар кӯчаи Маяковский аз соати 8:00 то соати 10:00  иҷозат дода шуд. 
    Ҳадаф аз ин чорабинӣ гиромидошти поси хотири қурбониён ва арҷгузорӣ ба корнамоиҳои афсарону сарбозони Артиши собиқ  Шӯравӣ дар Афғонистан аст, ки тӯли даҳ сол дар ин кишвар қарзи интернатсионалистӣ ба ҷо овардаанд.