20 ҷинояти коррупсионӣ ошкор шуд

  Душанбе, 14.02.2014. (АМИТ «Ховар», Муқаддас Темурзода).-Тибқи иттилои прокурори шуъбаи назорати умумии Прокуратураи нақлиёти Тоҷикистон Шукурҷон Юсупов, соли сипаригардида аз ҷониби кормандони Прокуратура ба ошкор ва пешгирӣ намудани ҷиноятҳои коррупсионӣ, ҷиноятҳои иқтисодие, ки хусусияти коррупсионӣ доштанд,  диққати махсус  зоҳир гардид. 
           Дар натиҷа дар ҳудуди назоратии Прокуратураи нақлиёти Тоҷикистон ҳамагӣ 20 ҳолати ҷинояти коррупсионӣ ва иқтисодие, ки хусусияти коррупсионӣ доштанд, ба қайд гирифта шуда,  парвандаи ҷиноятӣ оғоз ва мавриди тафтиш қарор дода шуд.
Бо парвандаҳои ҷиноятӣ зарар ба маблағи 563.079 сомонӣ муайян карда шуда, 527.938 сомонии он дар ҷараёни тафтиши пешакӣ барқарор  гардид.