Даъват ба садоқат ба Ватан

 
Хуҷанд, 24.02.2014. (АМИТ «Ховар», Самад Юсуфӣ).- Раиси ноҳияи Ғончӣ Исмоилзода Зуфар Муртазохон бо донишҷӯён-хатмкунандагон ва онҳое, ки тибқи квотаи президентӣ таҳсил мекунанд, дар Донишгоҳи давлатии Хуҷанд ба номи академик Бобоҷон Ғафуров мулоқот намуд. Абдулфаттоҳ Раҳимов, муовини ректори донишгоҳ гуфт, ки  имрӯз дар шуъбаи рӯзонаи факултетҳои мухталифи донишгоҳи мо 591 нафар донишҷӯ аз ноҳияи Ғончӣ таҳсил мекунад. 
Дар шуъбаи ғоибона 320 нафар ба таълим фаро гирифта шудааст. Яъне,  дар маҷмӯъ имрӯз аз ноҳияи Ғончӣ 911 нафар донишҷӯ ба илмомӯзӣ машғул аст. 
Бояд гуфт, ки тибқи квотаи президентӣ 45 нафар донишҷӯ таҳсил мекунад. Аз миқдори умумии донишҷӯён, 28 нафар дар хобгоҳҳои донишгоҳ бо шароити хуби иҷтимоӣ зиндагӣ доранд. Соли равон 75 нафар донишҷӯи ин ноҳия аз тариқи буҷавӣ риштаи омӯзгориро хатм менамояд. 
Исмоилзода Зуфар Муртазохон донишҷӯёнро ба дӯст доштани давлату миллат, Ватан, сарзамин, хизмат ва садоқат ба он даъват намуд.