Идомаи сохтмон ва таъмири роҳҳо

Душанбе, 13.02.2014. (АМИТ «Ховар», Муқаддас Темурзода).- Дар нишасти матбуотие, ки имрӯз бо иштироки Асозода Хайрулло, вазири нақлиёти Ҷумҳурии Тоҷикистон баргузор гардид, зикр шуд, ки дар соли 2013 бо истифода аз 65,3 млн. сомонӣ маблағгузории дохилӣ 295,7 км роҳ ва 62 адад пул таъмиру барқарор гардид. Аз ҳисоби маблағҳои мутамарказ дар 18 иншоот ба маблағи 9,9 млн. сомонӣ корҳои сохтмонӣ иҷро гардиданд. Ҳамчунин дар ин давра аз ҷониби КВД «Пажӯҳишгоҳи илмӣ- тадқиқотӣ ва лоиҳакашию кофтуковӣ» ба маблағи 5,3 млн. сомонӣ корҳои лоиҳакашӣ иҷро гардид, аз ин 3,5 млн сомонӣ ба лоиҳаҳое, ки аз ҳисоби маблағҳои инвеститсионӣ татбиқ мешаванд, рост меояд. Оид ба нақшаҳои оянда вазири нақлиёт изҳор дошт, ки ба анҷом расонидани сохтмони роҳи Душанбе-Чин ва силсилаи дигар роҳҳо дар назар аст.