Маоши миёна- 1800 сомонӣ

Душанбе, 11.02.2014. (АМИТ «Ховар», Гулбаҳор Худойбердиева).- Роҳбарияти КМ «Зарафшон» ташаббуси иҷрокунандаи вазифаи раиси вилояти Суғд Абдураҳмон Қодириро дар бораи эълон кардани «Соли 2014- соли роҳҳои обод» бо хушнудӣ ҷонибдорӣ намуд. Дар мулоқоти Абдураҳмон Қодирӣ бо директори генералии корхона Ли Фен директор ба сарвари вилояти Суғд дар бораи фаъолияти КМ «Зарафшон» дар соли гузашта маълумот дода, изҳор дошт, ки дар айни замон дар корхона 2210 нафар коргари маҳаллӣ бо кор таъмин буда, музди миёнаи маоши онҳо 1824 сомониро ташкил медиҳад. Ширкати «Зи-Чин»-и Ҷумҳурии Мардумии Чин дар солҳои 2013-2016 барои рушди корхона 200 миллион доллари ИМА чудо менамояд. Баъди татбиқи ин лоиҳа боз 500 нафар бо кор таъмин хоҳад шуд.  Дар мулоқот Ли Фен ба сарвари вилоят ваъда дод, ки соли ҷорӣ роҳи нақлиётии байни деҳаи Сӯфиён ва шаҳраки Суғдиён аз ҳисоби корхона таҷдид мешавад. Дар ин бора ба рӯзноманигори АМИТ «Ховар» менеҷери КМ «Зарафшон» Ҳабибулло Ёров хабар дод.