Намоиш-фурӯши маҳсулот ба ифтихори 90-солагии Душанбе

 Душанбе, 14.02.2014.(АМИТ «Ховар», Марзия Саидзода).- Ба ифтихори ҷашни 90-солагии Душанбе, ки соли равон таҷлил мегардад,  моҳе як маротиба дар Муассисаи давлатии «Душанбе-Плаза» -и пойтахт намоиш ва фурӯши маҳсулоти корхонаҳои саноатии пойтахт ташкил мешавад.
   Дар ин хусус шаҳрдории Душанбе қарори марбута ба тасвиб расонд. Ҳадаф аз барпо намудани намоиш ва фурӯши маҳсулоти корхонаҳои саноатии пойтахт рушди соҳибкории истеҳсолӣ, муаррифии маҳсулоти молистеҳсолкунандагони ватанӣ мебошад.
Ҳамин тариқ, рӯзҳои 20-22 феврал дар бинои «Душанбе Плаза» беш аз даҳ корхонаи саноатии пойтахт,  назири «Нафиса», «Комбинати ширӣ», «Маҳсулоти гӯштӣ», «Душанбе Агросервис»,  «Рухом», «555 МПК», «Ёқут — 2000», «Покиза»,  «Комбинати хӯроквории Тоҷикистон», «Ширин»,  «Фабрикаи шири Саодат», «Комбинати гӯшту консерва» маҳсулоти худро ба намоиш ва  фурӯш мегузоранд.