Озмуни журналистони Суғд

Душанбе, 03.03.2014. (АМИТ «Ховар»,  Фарзона  Достонзода).- Иттифоқи  журналистони  вилояти  Суғд  озмун  барои  дарёфти  мукофоти  ба  номи  Ҳоҷӣ  Содиқро эълон  кард. 
 
Тавре  ки  аз  хадамоти  матбуоти  раиси  вилояти  Суғд ба  АМИТ «Ховар»  хабар  доданд,  дар  озмун   намояндагони  ҳамаи  васоити  ахбори  омма,  сарфи  назар  аз  шаклҳои  моликият, ки  аъзои Иттифоқи   журналистони  ҶТ  мебошанд,  метавонанд  иштирок  намоянд. 
 
Ба  озмун бояд  маводҳои соли  2013  чошудаи  жанрҳои  мухталифи  журналистӣ,  аз  қабили  очерк,  лавҳаҳо,  публитсистика ва  жанрҳои бадеӣ  аз  қабили  ҳикоя,  латифаю  ҳаҷвия  пешниҳод  шаванд. 
 
Мувофиқи  шартҳои  озмун, муаллиф  бояд на камтар  аз  5  сол  собиқаи  журналистӣ дошта бошад. 
 
Мукофот  ба  ғолиби  озмун  11  марти  соли  равон   дар  Рӯзи матбуоти  тоҷик   супурда  мешавад.