Беш аз 70 млрд. барои ҳалли масоили иҷтимоӣ

Душанбе, 23.04.2014. (АМИТ «Ховар», Бекназари Абӯбакр). — Дар давоми ҳафт соли оянда ҷиҳати ҳалли масоили иҷтимоии аҳолӣ беш аз 70 миллиард сомонӣ пешбинӣ шудааст, -иттилоъ дод 23 апрели соли 2014 Сарвари Давлат Эмомалӣ Раҳмон зимни ироаи Паёми солонаи хеш ба Маҷлиси Олӣ. Вай афзуд, ки албатта, татбиқи амалии ин ҳадаф бе таъмини рушди устувори иқтисоди миллӣ имконнопазир аст.
Президенти кишвар ҳамчунин афзуд, ки Ҳукумати мамлакат ҷиҳати расидан ба ҳадафҳои стратегии худ – таъмини амнияти озуқаворӣ, баромадан аз бунбасти коммуникатсионӣ ва расидан ба истиқлолияти энергетикӣ тамоми имконотро истифода менамояд ва ҷиҳати татбиқи онҳо то соли 2020 аз буҷети давлатӣ ва ҷалби сармояҳо беш аз 35 миллиард сомонӣ пешбинӣ гардидааст.