Рӯзи дарҳои кушодаи осорхонаҳо

Душанбе, 4.04.2014.(АМИТ «Ховар», Зарангези Латиф).- Фардо дар ҷумҳурӣ рӯзи дарҳои кушодаи осорхонаҳо зери унвони «Як рӯзи ҷумҳуриявии тамошои осорхона» доир мегардад,- гуфт Шаҳло Абдуллоева, сармутахассиси Раёсати рушди муассисаҳои фарҳангӣ- фароғатии ҳунарҳои мардумии Вазорати фарҳанги ҷумҳурӣ.
Чорабинӣ аз ҷониби Кумитаи ҷавонон, варзиш ва сайёҳии назди Ҳукумати ҷумҳурӣ ва Вазорати фарҳанги кишвар ба роҳ монда шудааст.
Бояд гуфт, ки бо таваҷҷуҳ ба иқтидор, хусусиятҳои табиӣ ва таърихию фарҳангии кишварамон дар қатори дигар самтҳои соҳаи сайёҳӣ, туризми таърихиву фарҳангӣ ва этнографӣ низ ҳамчун самти афзалиятноки иқтисодиёти миллӣ эълон гардидааст.
Дар робита ба ин мақсад аз баргузории чорабиниро масъулини  Кумитаи ҷавонон, варзиш ва сайёҳии назди ҳукумати ҷумҳурӣ дар рушди туризми дохилӣ ва ҷалби таваҷҷуҳи ҷомеа ба мероси фарҳангии кишвар, ҳамчунин бобати иҷрои  Протоколи ҷаласаи  12-уми Шўрои машваратии назди Президенти Ҷумҳурии Тоҷикистон арзёбӣ намуданд.