Рӯзи осорхона кадом аст?

Душанбе, 4.04.2014. АМИТ «Ховар», Зарангези Латиф).- Ахиран дар баъзе аз расонаҳои хабарӣ хабаре пайдо гардид, ки рӯзи 5 уми апрел ҳамчун рӯзи байналмилалии осорхона таҷлил мегардад, аммо ба гуфтаи директори Осорхонаи миллии Тоҷикистон Абдувалӣ Шарипов рӯзи байналмилалии осорхона дар саросари дунё 18-уми май таҷлил мегардад ва дар Тоҷикистон низ ин санаро ба таври расмӣ таҷлил менамоянд.
Аз 8-ум то 18 уми майи соли равон дар Осорхонаи миллии Тоҷикистон доир ба Рӯзи байналмилалии осорхона чорабиниҳо бо иштироки меҳмонони хориҷ аз кишвар дар назар дошта шудааст, гуфт мавсуф. 
Абдувалӣ Шарипов  ҳамчунин зикр намуд, ки тамошои осорхона дар рӯзи 18 -уми май ройгон ба роҳ монда шудааст.