Зулфия Атоӣ -бонуи суханвар

Турсунзода, 4.04.2014. (АМИТ «Ховар», Ҳотами Шариф).-  Дар китобхонаи марказии шаҳри Турсунзода бахшида ба фестивали ҷумҳуриявии «Ҳафтаи китоби кӯдакону наврасони Тоҷикистон» маҳфили адабӣ баргузор гардид. Маҳфили адабӣ таҳти унвони «Бонуи суханвар» ба 60-солагии шоираи халқии Тоҷикистон Зулфия Атоӣ бахшида шуд. 
Дар ҷамъомад адибон Зулфия Атоӣ, Маҳбуба Неъматзода, Хосият Вализода, Ҷӯра Ҳошимӣ, Шарифаи Аъламзод, Ҳасанбой Ғоиб, Абдуқаҳори Қосим ва дигарон аз эҷодиёти хеш шеърҳо қироат карда, кӯдакону наврасонро ба китобдӯстӣ ҳидоят карданд.  
Меҳмонон аз осорхонаи  шаҳри Турсунзода боздид карда, бо таърихи гузаштаву имрӯзаи шаҳр ошно шуданд.