Даври шашуми мусобиқоти Тоҷикистон оид ба футбол анҷом ёфт

Душанбе, 26.05.2014. (АМИТ «Ховар»). – Баъди ду вохӯрӣ рӯзи якшанбеи гузашта даври шашуми мусобиқоти Тоҷикистон оид ба футбол байни дастаҳои лигаи олӣ анҷом ёфт.Тавре ки аз Федератсияи футболи Тоҷикистон хабар доданд, дастаи «Истиқлол» — и шаҳри Душанбе — қаҳрамони амалкунанлаи мусобиқоти кишвар дастаи «Равшан» — и шаҳри Кӯлобро бо ҳисоби 9:1 мағлуб сохт. Дар вохӯрии дигар дастаи «Хуҷанд» дар майдони худ бо ҳисоби 1:0 бар дастаи ССКА пирӯз шуд. Баъди анҷоми шаш даври мусобиқот дастаи «Истиқлол» бо 16 хол дар мавқеи аввал ҷой гирифтааст. Ҷойҳои дуюм ва сеюмро дастаҳои «Парвоз» ва «Хуҷанд» ишғол менамоянд.