Туҳфа ба қисми ҳарбии 2611
Душанбе, 21.05.2014. (АМИТ «Ховар», Лайло Тоирӣ).- Дар арафаи таҷлили 20-умин солгарди таъсиси Қӯшунҳои сарҳадии Кумитаи давлатии амнияти миллӣ, роҳбарияти Вазорати мудофиаи мамлакат дар қароргоҳи қисми низомии 2611-и ин ниҳоди қудратӣ бо ҳайати шахсӣ вохӯрӣ намуданд.
Вазири мудофиаи мамлакат, генерал-лейтенант Шералӣ Мирзо изҳор намуд, ки бо дастгирии доимӣ ва таваҷҷуҳи бевоситаи Президенти Ҷумҳурии Тоҷикистон Сарфармондеҳи Олии Қувваҳои Мусаллаҳ Эмомалӣ Раҳмон Қӯшунҳои сарҳадӣ имрӯз ба як неруи бузург ва ҳимоятгари боэътимоди марзҳои давлати соҳибистиқлоламон табдил ёфтааст.
Дар ҷараёни чорабинии мазкур бо фармони вазири мудофиа ба ҳайати шахсии қисми ҳарбии 2611 ду адад телевизори ранга, моҳвора бо тамоми таҷҳизоташ ва ду адад дивидӣ тақдим карда шуд. Илова бар ин, аз ҷониби ротаи Қаровули фахрии Полки комендантии Вазорати мудофиа, дар назди ҳозирин ҳаракатҳои мавзуни низомӣ намоиш дода шуданд.
Чун оини доимии низомиён расми гузашти ҳарбии афсарону сарбозон аз назди ҳайатҳои роҳбариву фармондеҳии Вазорати мудофиа ва Қӯшунҳои сарҳадӣ анҷомбахши вохӯрии масъулин бо ҳайати шахсӣ гардид.
Дар ин бора ба АМИТ «Ховар» аз хадамоти матбуоти Вазорати мудофиа иттилоъ доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
