Шаҳрдорӣ: «Нархи маҳсулоти аввалия дар бозорҳо коҳиш меёбад»

Душанбе, 07.07.2014.(АМИТ «Ховар», Марзия Саидзода).-Тадбирҳои андешидаи шаҳрдории Душанбе дар ҳамкорӣ бо соҳибкорону тоҷирони пойтахт ҷиҳати паст кардани нархи 20 намуди маҳсулоти хӯрока натиҷаҳои судманд медиҳанд. Таҳлилҳои омории Агентии омори назди Президенти ҷумҳурӣ дар санаи 3 июл собит месозад, ки нархҳои 20 намуд маҳсулоти дар пойтахт танзимшаванда дар қиёс ба нархи бозорҳои шаҳру ноҳияҳои Турсунзода, Ҳисор, Рашт, Ваҳдат ва Хуҷанд паст будааст. Масалан дар шаҳри Турсунзода нархи 1 килограмм шакар -5 сомонӣ, карам- 2 сомонӣ, равғанӣ растанӣ- 8 сомонӣ, дар бозори Ҳисор 1 килограмм бехпиёз-1 сомонию 80 дирам, шакар-5 сомонӣ, гӯшти гов-38 ва гӯсфанд-40 сомонӣ, дар Рашт 1 килограмм картошка -3 сомонӣ, бехпиёз-2 сомонӣ, сабзӣ, карам, помидор ва бодиринг — 3 сомонӣ, шакар-5 сомонӣ, тухм -80 дирам, биринҷ — 9 сомонӣ, равғани растанӣ-10 сомонӣ, дар Ваҳдат 1 килограмм картошка 2 сомонӣ, сабзӣ ва бодиринг 2 сомонию 30 дирам, шакар-5 сомонӣ, гӯшти гов-37, харбуза- 15 сомонӣ, дар Хуҷанд бошад 1 килограмм картошка 2 сомонию 40 дирам, шакар-5 сомонӣ ба фурӯш гузошта мешаванд. Бояд тазаккур дод, ки бо дахолати шаҳрдорӣ нархи маҳсулоти ниёзи аввал дар бозорҳои пойтахт дар моҳи Рамазон дар қиёс ба 1 июл 19% коҳиш ёфтааст.