Мусодираи беш аз 25 кг маводи нашъадор

Душанбе, 26.08.2014. (АМИТ «Ховар», Муқаддас Темурзода).-Зимни як чорабинии фаврӣ-ҷустуҷӯӣ аз ҷониби кормандони милитсияи шуъбаи ВКД дар фурудгоҳи шаҳри Душанбе сокини 56-солаи ноҳияи Ҳамадонӣ Назар Дӯстмуродов, бо гумони даст доштан дар ғайриқонунӣ нигоҳ доштани маводи нашъадор дастгир шуд. ВКД ҶТ хабар медиҳад, ки дар вақти кофтукови шахсӣ аз борхалтаи ў ба миқдори 8 кг 50 грамм маводи нашъадори ҳашиш ва 17 кг 150 грамм маводи нашъадори афюн дарёфт ва мусодира гардид. Вазни умумии маводи нашъадори мусодирашуда 25 кг 200 граммро ташкил медиҳад. Нисбат ба далели мазкур парвандаи ҷиноӣ оғоз гардида, тафтиш давом дорад.