“Ҷойгоҳи Тоҷикистон дар раванди ташаккул ва рушди СҲШ”

Душанбе, 03.09.2014 (АМИТ «Ховар», Фарзонаи Давлат).- Рӯзи 5-уми сентябри соли равон дар Маркази тадқиқоти стратегии назди Президенти Тоҷикистон мизи гирд таҳти унвони “Ҷойгоҳи Ҷумҳурии Тоҷикистон дар раванди ташаккул ва рушди Созмони ҳамкории Шанхай” баргузор мешавад.
Бино ба иттилои Маркази тадқиқоти стратегии назди Президенти Тоҷикистон, мизи мудавар бо ташаббуси маркази мазкур ва Вазорати корҳои хориҷии кишвар гузаронида шуда, дар назар аст дар он коршиносони соҳа иштирок ва маърӯза намоянд.
Гуфта мешавад, ки ҳамчунин дар нишаст муаррифии монографияи илмии директори марказ таҳти унвони “Фаъолияти Тоҷикистон дар раванди ташаккул ва рушди Созмони ҳамкории Шанхай” доир мешавад.