Хатнасури кӯдакон-иқдоми хайри муштарак

Душанбе, 10.11.2014. (АМИТ «Ховар», Назири Назир).- 5-уми ноябри соли равон бахшида ба 20-умин солгарди Конститутсия (Сарқонун)-и ҷумҳурӣ Кумитаи ҳифзи муҳити зисти назди Ҳукумати Ҷумҳурии Тоҷикистон иқдоми савобҷўёнаеро пеш гирифта, тўи суннатии 25 нафар фарзанди корманди кумитаи мазкурро муштарак бо ҶДММ «Фароз» ва Ассотсиатсияи шикорчиёни Ҷумҳурии Тоҷикистон баргузор намуд. Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода хатнасури дўстрўяконро табрик гуфт. Барои дар сатҳи зарурӣ ва хотирмон гузаронидани маросими хатна дастархони пурнозу неъмат густурда шуда, сарояндагони хушхон бо сурудҳои марғуб хотири ҳозиринро шод гардониданд. Туҳфаҳои арзандаву шириниҳое, ки барои кўдакон муҳаё шуда буданд, хурсандии онҳоро дучанд карданд.