Фархор: хизматрасонии бонкӣ беҳтар гардидааст

Фархор, 23.12.2014. (АМИТ «Ховар», Сулаймони Хол).-Дар ноҳияи Фархор  аз ҷониби филиали  ҶСК «Тоҷиксодиротбонк»  дар 11 моҳи соли ҷорӣ  барои маблағгузории  соҳаи кишоварзӣ ва молҳои ниёзи мардум, роҳпул  барои муҳоҷирони меҳнатӣ  ва дигар соҳаҳо  ба 181 нафар мизоҷ ба маблағи 3 млн. 644 ҳазору 329,97 сомонӣ  қарзҳои кутоҳмуддат дода шуд. Ба гуфти директори  филиали мазкур Фаридун Неъматов  барои беҳдошти сатҳи зиндагии  аҳолии ноҳия  ва харидории маводи ниёзи мардум, аз қабили  хӯрокворӣ, либос, корҳои сохтмонӣ ва дигар маводи рӯзмарра  ба 22 мизоҷ  ба маблағи  670 910 сомонӣ  қарзҳои кутоҳмуддат дода шуд, ки  ин 22%-и солонаро дар бар гирифта, муҳлати  пардохти он  3 сол мебошад.