Санҷиши футболбози қирғиз дар дастаи «Хуҷанд»
Душанбе, 12.01.2015 (АМИТ «АМИТ «Ховар», Фарзонаи Давлат).- Муролим Ахмедов, ниммуҳофизатгари 23-сола аз Қирғизистон ба ҳайати дастаи «Хуҷанд», ки 10-уми январ омодагиро ба мавсими нав оғоз намуд, шомил гардид.
Ахмедов, ки дар мавқеи ниммуҳофизи чап бозӣ мекунад, қаблан дар клуби футболи «Алай»-и вилояти Ӯш баромад мекард. Ин бозингари 23-сола дар ҳайати мунтахаби олимпии Қирғизистон дар Бозиҳои осиёӣ-2014 дар Инчхон бозӣ кардааст. Дар мавсими соли гузшта Муролим Ахмедов дар ҳайати дастаи «Алай» дар чемпионати Қирғизистон панҷ гол зада, ба қатори беҳтарин ниммуҳофизони чемпионати Қирғизистон шомил шудааст.
Тавре ки дар ин бора сомонаи Федератсияи футболи Тоҷикистон хабар додааст, ситоди мураббиёни «Хуҷанд» ниммуҳофизатгари қирғизистониро дар мусобиқаи байналмилалии пешазмавсимии Ҷоми ҶСП «Осоишгоҳи Баҳористон» аз назар мегузаронад. Мусобиқа аз 13-уми январ шурӯъ мешавад.
Ёдовар мешавем, ки чанд рӯз қабл, ҳамдастаи Муролим Ахмедов, дарвозабони мунтахаби миллии Қирғизистон Валерий Кашубаи 30-сола низ барои санҷиш ба дастаи «Хуҷанд» омад.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
