“Ал-Қодисия” ба Душанбе омад

Душанбе,14.04.2015.(АМИТ “Ховар”).- 13 апрел ҳайати клуби футболи “Ал-Қодисия” — и Кувайт барои вохӯрӣ бо дастаи “Истиқлол” ба шаҳри Душанбе омад. Назар ба хабари клуби футболи “Истиқлол” , ин вохӯрӣ 15 апрел баргузор мешавад. Ҳайати мураббиҳои дастаи “Ал-Қодисия”, ки роҳбарии онро Рашил Ал-Бадиҳом ба ӯҳда дорад, 18 нафар футболбозонро бо худ овардааст. Ёдовар мешавем, ки вохӯрии даври чоруми байни дастаҳои “Истиқлол” ва “Ал-Қодисия” , ки 18 март дар Кувайт сурат гирифта буд, бо ҳисоби 2:2 анҷом ёфт.