Аз рӯйи суръати рушди саноат- Суғд дар ҷойи якум

Душанбе,17.04.2015. (АМИТ «Ховар», Мавҷуда Анварӣ).-Аз рӯи маълумоти расмӣ дар миқёси ҷумҳурӣ афзоиши ҳаҷми истеҳсоли маҳсулоти саноатӣ бо назардошти индекси нархҳо 116,7 фоизро ташкил намуд.
Тибқи иттилои Хадамоти матбуоти раиси вилоят, вилояти Суғд аз рӯйи суръати рушди саноат дар миқёси ҷумҳурӣ ҷойи якумро ишғол менамояд. Агар дар семоҳаи якуми соли 2014 суръати рушди саноати вилоят бо нархҳои муқоисавӣ ба 108,3% баробар шудааст, он гоҳ нишондиҳандаи мазкур соли равон бо нархҳои муқоисавӣ ба 127,8 фоиз ва бо назардошти индекси нархҳо ба 122,7 фоиз баробар гардид.
Ин имкон дод, ки ҳиссаи саноати вилоят дар ташаккули маҷмӯи маҳсулоти саноати ҷумҳурӣ ба 36% баробар гардад, ки нисбат ба ҳамин давраи соли гузашта ба андозаи 2,6 ченаки фоизӣ зиёд аст.