Ба М. Убайдуллоев соати 70 сол қабл сохташуда туҳфа карданд

Душанбе, 1.04.2015.(АМИТ «Ховар», Марзия Саидзода).- Раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев ҳайати «Эстафетаи хотира» аз Ассамблеяи Байнипарлумонии кишварҳои Иттиҳоди Давлатҳои Мустақилро /ИДМ/, ки дар Душанбе қарор доранд, ба ҳузур пазируфт.
    М. Убайдуллоев ибтикори роҳбарияти Ассамблеяи Байнипарламентии кишварҳои ИДМ -ро дар иртибот ба ин иқдоми беназири арҷгузорӣ нисбат ба фавтидагон, собиқадорони ва  кормандони ақибгоҳ-  таъминкунандагони Ғалаба дар Ҷанги Бузурги Ватанӣ /ҶБВ/, нек арзёбӣ кард. Мавсуф зикр намуд, ки ин амал баҳри поси хотираи қаҳрамонони роҳи озодӣ аз фашизм, ки шаҳрвандони Тоҷикистон низ дар радифи дигар мардумони собиқ Шӯравӣ саҳми беназир гузоштаанд ва таблиғи зиндагии осоиштаю мусолиатомези халқҳои сайёра дар ҷаҳони пуртазоди феълӣ  ибратомӯз аст. 
Дар фарҷоми мулоқот раиси Маҷлиси миллӣ ба иштирокчиёни «Эстафетаи хотира»- ветеранҳои ҶБВ аз ду ҷониб бо медалҳои ҷашнии «70-солагии Ғалаба дар Ҷанги Бузурги Ватанӣ солҳои 1941-1945» ва дигар туҳфаҳои хотиравӣ сарфароз гардонид. 
 Инчунин бо ибтикори Ассамблеяи Байнипарлумонии  кишварҳои узви ИДМ раиси Маҷлиси миллӣ М. Убайдуллоев бо соати барои қаҳрамонони Ғалаба дар ҶБВ, ки  барориши  соли 1945 аст, қадрдонӣ гардид.