Бозии мусовии Истиқлол бо Эрбил дар Қатар

Душанбе, 30.04.2015. (АМИТ Ховар, Ситораи Боймурод).- Бозии дастаи «Истиқлол»-и Душанбе, қаҳрамони секаратаи Тоҷикистон, дар даври панҷуми сабқати интихобии Ҷоми AFC (Конфедератсияи футболи Осиё)-2015 дар гурӯҳи «С дирӯз дар пойтахти Қатар — Доҳа бо дастаи «Эрбил, қаҳрамони чаҳоркаратаи Ироқ ва финалисти Ҷоми AFC-2014 бо ҳисоби мусовӣ ва бидуни гол хотима ёфт. Бозӣ дар варзишгоҳи «Сауд бин Абдулраҳмон Ал-Тани» барпо гардид.Тавре ки дар ин бора Кумитаи миллии олимпии кишвар хабар додааст, баъди натиҷагирии панҷ даври сабқати интихобӣ дар гурӯҳи «С «Ал-Қодсия бо 10 имтиёз ((таносуби тӯбҳояш — 6-4) пешсаф аст. «Истиқлол бо 8 имтиёз (таносуби тӯбҳояш — 7-6) дар ҷойи дуюм ва «Аҳал бо 6 имтиёз (5-9) дар ҷои сеюм қарор дорад. «Эрбил бо 4 имтиёз (6-7) дар ҷойи охирин — чорум мебошад.Гуфта мешавад, ки барои роҳхати дувум ба даври ҳаштякниҳоӣ «Истиқлол ва «Аҳал талош мекунанд. Бозии даври шашум байни футболбозони тоҷику туркман рӯзи чоршанбеи 13-уми май дар шаҳри Душанбе, дар Варзишгоҳи марказии ҷумҳуриявӣ баргузор мешавад. Бозии аввал байни ин дастаҳо дар Ашқобод бо пирӯзии «Истиқлол бо ҳисоби 2-1 ба анҷом расид.