ФБД натиҷаи фаъолият дар семоҳаи якумро ҷамбаст намуд

Душанбе,09.04.2015 (АМИТ «Ховар» Кристина Эрлих).- 7 апрел  дар ҷараёни ҷаласа бо иштироки роҳбарони хадамот ва  шӯъбаҳои  Фурудгоҳи  байналмиллалии шаҳри Душанбе  натиҷаи фаъолияти сохторҳои зертобеи Фурудгоҳ тайи семоҳаи якуми соли ҷорӣ ҷамъбаст гардид.
Тавре ки котиби матбуоти Ҷамъияти саҳҳомии кушодаи Фурудгоҳи байналмиллалии Душанбе Маҳмадюсуф Шодиев ба АМИТ «Ховар» хабар дод, иштирокдорони ҷаласа аз кори иҷрошуда тайи давраи гузашта ҳисобот доданд. Аз ҷумла, зикр шуд, ки  беш аз 240 ҳазору  500 нафар мусофирон аз хидмати Фурудгохи байналмиллалии Душанбе  бархурдор шуда, ҳаҷми умумии бори интиқол додашуда қариб беш аз 458,8 тоннаро ташкил дод.
Назар ба иттилои манбаъ,  дар  давраи зикршуда аз хусуси  гумшави ва осеб дидани бағоҷҳо 344 шикоят расида, 335- тои он  қаноатманд гардонида шуд. Алҳол нуҳ аризаи боқимонда баррасӣ мешавад.