«Помир» байни дастаҳои лигаи олӣ баромад мекунад
Душанбе,09.04.2015 (АМИТ “Ховар”, Рафоати Абдулҳамид).- Ба иттилои Федератсияи футболи Тоҷикистон дастаи КМВА «Помир»-и Душанбе, ки иштирок карданаш дар чемпионати Тоҷикистон зери суол қарор дошт, хушбахтона, дар мавсими имсолаи футбол байни дастаҳои лигаи олӣ баромад мекунад.
Рӯзи шанбе ба Федератсияи футболи Тоҷикистон аз номи вазири мудофиаи Тоҷикистон Шералӣ Мирзо мактуби расмӣ ворид шуд, ки бо сабабҳои мушкилоти молиявӣ имсол КМВА «Помир» дар чемпионати Тоҷикистон байни дастаҳои лигаи олӣ иштирок карда наметавонад.
Аммо рӯзи душанбе ин мушкилии дастаи артиш қаноатбахш баррасӣ шуд. Дар ин мавзӯъ сардори даста Хабир Давлатов ба торнамои расмии Федератсияи футболи кишвар чунин хабар дод: «Мехоҳам аз номи мураббиёну бозингарони даста ба сарвазири Тоҷикистон Қоҳир Расулзода ва роҳбарияти Федератсияи футболи мамлакат барои расидагияшон ба мушкили дастаи мо сипосгузорӣ намоям. Дастаи мо пароканда намешавад ва дар чемпионати имсолаи Тоҷикистон байни дастаҳои лигаи олӣ баромад мекунад. Бори дигар мехоҳам аз номи даста ба роҳбарони ФФТ миннатдорӣ баён кунам. Дар нигоҳдошт ва таъмини иштироки дастаи мо дар мавсими имсолаи футбол, пеш аз ҳама саҳми ФФТ беандоза аст».
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
