«Помирсохтмон» корҷӯёнро бо кор таъмин намуд
Душанбе, 27.04.2015. (АМИТ «Ховар», Лайло Тоирӣ).-Ҳафтаи гузашта Раёсати Агентии меҳнат ва шуғли аҳолӣ дар якҷоягӣ бо шуъбаи Хадамоти муҳоҷират дар ВМКБ дар шаҳри Хоруғ ярмаркаи ҷойҳои кориро баргузор намуд.
Дар ярмарка зиёда аз 235 нафар мутахассиси соҳаҳои сохтмону нақлиёт ва дигар ихтисосҳои коргарӣ ҳузур дошта, соҳиби ҷойҳои кор гардид.
Бо афзоиши бунёди як силсила иншоотҳои гуногун дар вилоят, алалхусус бунёди хонаҳои истиқоматии баландошёна, маҷмааи варзишӣ, беморхонаи нав барои 50 ҷой таъмиру таҷдиди биноҳои маъмурии иншоотҳои зиёд дар шаҳри Хоруғ, сохтмони як зумра иқтидорҳои истеҳсолӣ, муассисаҳои тандурустӣ, кӯпрукҳо, роҳҳои мошингард, биноҳои таълимиву маишӣ дар аксари дигар ноҳияҳои вилоят, ҳамкориҳои дуҷониба бо ширкатҳои гуногуни Санкт-Петербурги ФР ҷавонони соҳиби ихтисосҳои ба талаботи замон ҷавобгӯ соҳиби роҳхат ба ҷойҳои кор гардиданд.
Сардори Раёсати Агентии меҳнат ва шуғли аҳолӣ М. Назиров изҳор дошт, ки дар ярмарка ширкатҳои сохтмонӣ, роҳу пулсозӣ, идораҳои давлатӣ ва муассисаҳо беш аз 300 ҷойи кориро пешниҳод намуданд.
ҶДММ «Помирсохтмон» бо баргузории чунин ярмарка 38 нафар корҷӯйро аз рўи ихтисосҳои деворгар, андовачӣ, бетончӣ, булдозчӣ, устоҳои пластик ва ронанда ба кор қабул намуд.
Дар ин бора ба АМИТ «Ховар» сухангӯи хадамот А.Қодирӣ иттилоъ дод.