«Родмардони Ватан» бахшида ба 70-солагии Ғалаба

Душанбе, 30.04.2015. (АМИТ «Ховар», Раъно Нусратуллозода).-Бахшида ба 70-солагии Ғалаба дар Ҷанги Бузурги Ватанӣ таҳти унвони «Родмардони Ватан» фестивали минтақавии театрҳои халқӣ ва ҳаваскорони санъат ҷараён дорад. Бино ба иттилои Вазорати фарҳанги Ҷумҳурии Тоҷикистон мақсади фестивал баланд бардоштани нақши театрҳои халқӣ ва маҳфилҳои драмавии шаҳру ноҳияҳои мамлакат дар тарбияи ҳисси ватандӯстӣ, ҳисси ифтихор аз қаҳрамонони насли калонсол, дарёфти истеъдодҳои нав, баланд бардоштани қадру манзалати театрҳои халқӣ ва дастаҳои ҳаваскорони санъат дар мамлакат мебошад.Даври ҷамъбастии фестивал аз 4 то 9 май доир мегардад.