Суғд: «Ҷанги Бузурги Ватанӣ аз нигоҳи бачагон»
Душанбе,10.04.2015 (АМИТ “Ховар”, Рафоати Абдулҳамид).- Ба иттилои Хадамоти матбуоти раиси вилояти Суғд 9- уми апрели соли ҷорӣ дар Раёсати маорифи вилоят таҳти унвони «Ҷанги Бузурги Ватанӣ аз нигоҳи бачагон» даври вилоятии озмуни расми беҳтарини хонандагони мактабҳои таҳсилоти умумӣ бахшида ба ҷашни 70-солагии Ғалаба ҷамъбаст гардид.
Доварон аз байни 68 мусаввараи пешниҳоднамудаи хонандагони 13 шаҳру ноҳияи вилоят эҷодиёти хонандагони мактабҳои миёнаи №28-и шаҳри Хуҷанд, № 59-и шаҳри Истаравшан, №8-и ноҳияи Айнӣ, гимназияи №4-и шаҳри Истаравшан ва Маркази таҳсилоти иловагии №1-и шаҳри Исфараро аз шумори беҳтаринҳо донистанд.
Инчунин кори хонандагони мактаби миёнаи №4-и ноҳияи Спитамен, гимназияи «Нур»-и ноҳияи Б.Ғафуров, гимназияи № 1-и шаҳри Чкалов, Маркази таҳсилоти иловагии ноҳияи Ғончӣ, мактаби миёнаи № 25-и шаҳри Конибодом ва литсейи № 2-и ноҳияи Ашт ба баҳои баланди ҳайати доварон сазовор гардиданд.
Беҳтаринҳо бо туҳфаҳои хотиравӣ ва ифтихорномаи Раёсати маорифи вилоят ва Шӯрои вилоятии собиқадорони ҷангу меҳнат сарфароз гардонида мешаванд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
