Таҳкими ҳамкориҳои Тоҷикистону Русия дар соҳаи мошинсозӣ

Душанбе, 03.04.2015 (АМИТ «Ховар», Фарзонаи Давлат).-Дирўз  вазири  саноат ва технологияҳои нави  Ҷумҳурии Тоҷикистон Шавкат Бобозода бо намояндаи тиҷоратии Федератсияи Русия дар Ҷумҳурии Тоҷикистон  Кораблин М.В., роҳбарони ширкатҳои ҶСП «Тролза» Ключарев С.А. ва   ҶСП «Электротехническая  компания «Плутон»  Савостянов А.С., ҳамчунин директори генералии КВД «Насби нақлиёти барқӣ ва велосипед»  Ф. Саидов  мулоқот кард. 
Бино ба иттилои котиботи Вазорати  саноат ва  технологияҳои  нави Тоҷикистон, зимни мулоқот мухокима оид ба  масъалаҳои  ҳамкориҳои дуҷониба  дар соҳаи  мошинсозӣ ҷиҳати ҷамъу васл кардани троллейбусҳо ва минбаъд  таҳвили онҳо  ба Ҷумҳурии Афғонистон мавриди баррасӣ қарор дода шуданд.
 Дар мулоқот ҳамчунин оид ба роҳҳои ҳалли як силсила масъалаҳои ҳалталаби ҷойдошта ибрози назар намуданд.
Гуфта мешавад ҷонибҳо аз натиҷаҳои вохўрӣ изҳори қаноатмандӣ намуда, ҳамчунин иброз доштанд,  ки ҷиҳати идомаи раванди мусбати робитаҳои гуногунҷабҳаи Тоҷикистону Русия рушди нав бахшида, муносибатҳои минбаъдаи дуҷониба ва ҳамкориҳоро дар доираи созмонҳои байналмилалӣ боз ҳам таҳкиму густариш мебахшанд.