Ҷамъоварии иттилоот ва ҷой додани он дар Интернет-портал

Душанбе, 4. 05. 2015. (АМИТ «Ховар», Мавҷуда Анварӣ).-  Ҳафтаи гузашта дар мақомоти иҷроияи ҳокимияти давлатии вилояти Хатлон бо иштироки Зафарҷон  Бурҳонов муовини аввали Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон машварат дар мавзӯи «Тартиби ҷамъоварӣ ва ҷойгир кардани иттилоот  дар соҳаи фаъолияти инноватсионӣ ва объектҳои моликияти зеҳнӣ дар Интернет-портали муттаҳидаи «Барномаи рушди  инноватсионии Ҷумҳурии Тоҷикистон барои солҳои 2011-2020»  ва «Барномаи рушди неру ва моликияти зеҳнии инсон дар давраи то соли 2020» баргузор гардид. 
Дар машварат масъулони соҳа аз шаҳру ноҳияҳои вилоят ва донишкадаҳо иштирок доштанд. Ҳадаф аз гузаронидани машварат ҷамъоварии иттилоот ва ҷой додани он дар Интернет-портал, баланд бардоштани савияи касбии мутахассисон  ва масъулини соҳа мебошад.