Хизмат шараф аст

Рашт, 04.05.2015. (АМИТ «Ховар», М. Ризвон).-Даъвати баҳории ҷавонон ба хизмати ҳарбӣ дар ноҳияи Рашт дар сатҳи баланд иҷро гардид. Дар суҳбат бо муовини комиссари ҳарбии ноҳия Бегиҷон Ваҳҳобов маълум шуд, ки дар иҷрои саривақтии нақша саҳми ҷамоатҳои деҳоти Оби меҳнат, Ҳоит, Навдӣ, Ҳиҷборак, Ясман ва Тагоба калон аст. Аз ҳудуди ин ҷамоатҳои деҳот 20 нафар ҷавони ватандӯст ихтиёрӣ ба сафи Қувваҳои Мусаллаҳ рафт. 
Дар чорабинии гусели ҷавонон раиси ноҳия Қаноатшо Лоиқзода ва собиқадори ҷанг, маъюби дараҷаи 2 Қ. Абдуалимов ширкат варзида,  барои онҳо дар хизмати Ватан-модар барор орзу намуданд.