Медали биринҷии гӯштигири тоҷик

Душанбе, 26.05.2015. (АМИТ «Ховар»).-  23  ва 24  май   дар  шаҳри Владивостоки  Федератсияи  Русия мусобиқоти  байналмилалии  гурӯҳи  «А» аз  рӯи   гӯштии тарзи самбо — «Ёдбуди Юрий Потапов»  баргузор гардид, ки дар он беш  аз  150  нафар  варзишгарони  15  кишвари  ҷаҳон  иштирок  доштанд.
Тоҷикистонро дар  мусобиқот донишҷӯи Донишгоҳи миллии  Тоҷикистон Ардашер  Исмоилов дар вазни то 52  килограмм  намояндагӣ  намуда, бо  дарёфти  мақоми  сеюм  бо  медали  биринҷӣ  мукофотонида шуд. 
Дар  ин  бора сардовари мусобиқоти байналмилалӣ,  довари  дараҷаи   байналмилалӣ  аз  Тоҷикистон  Маҳмуд  Абдуллоев  хабар  дод.