Муҳокимаи масъалаи ислоҳоти милиса

Душанбе, 13.05.2015. (АМИТ «Ховар», Муқаддас Темурзода).- Чанде пеш дар шаҳри Душанбе ҷаласаи дуюми Шӯрои ҷамъиятии мададгори ҷомеаи шаҳрвандии ислоҳоти милиса баргузор гардид.Назар ба иттилои ВКД ҶТ, дар ҷаласа ҳамоҳангсози миллии ислоҳоти милиса А.Бобоназарзода, афсари калони бахши алоқа оид ба масоили ислоҳоти милисаи дафтари САҲА дар Тоҷикистон Х.Маҳмадиев, раиси Шӯрои ҷамъиятии назди ВКД А.Сафаров ва муовини номбурда М.Боймуродова, ҳамчунин аъзои Шӯрои ҷамъиятӣ ширкат доштанд.Дар ҷараёни ҷаласа масоили баррасӣ ва тасдиқи нақшаи солонаи фаъолияти Шӯрои ҷамъиятӣ ва Кодекси одоби аъзои он мавриди муҳокима қарор гирифтанд. Бинобар дар ҷараёни муҳокимаи ҳуҷҷати зикршуда ба миён гузоштани пешниҳоди мухталиф, раиси Шӯрои ҷамъиятӣ тасмим гирифт, ки лоиҳаҳо ҳафтаи оянда ба таври илова баррасӣ шаванд.Аъзои Шӯрои ҷамъиятӣ дар муҳокимаи масъалаҳои ба миёнгузошташуда фаъолона иштирок карда, пешниҳодҳои худро ироа намуданд.