Шаҳрвандони андармоншудаи ҶТ ба Ватан баргаштанд

Душанбе, 15.05.2015. (АМИТ «Ховар»).- Хадамоти консулгарии сафорати  Тоҷикистон  дар  Русия  ва консулгарии  фахрии  ҶТ дар  Краснодар чор  нафар  шаҳрвандони Тоҷикистонро тавассути  роҳрави  муваққатии  посбонгоҳи  сарҳадии  Матвеев — Кургани  Русия  ва  Успенкаи Украина ба  маҳалли таъйиншуда бурданд.
Бино ба  иттилои  сафорати  ҶТ  дар  ФР,  шаҳрвандони  мазкур бо  сабаби  манъи  воридшавӣ  ба ҳудуди  Федератсияи  Русия имконияти гузаштан  аз  сарҳадро надоштанд. 
Сардори Хадамоти  консулгарии Сафорати ҶТ  дар  ФР  Ашраф  Гулов изҳор  дошт, ки бо  ёрии  сохторҳои  дахлдори  Русия чор нафар шаҳрвандони кишвари мо Абдуалимов  Фирдавс, Холов  Абдулазиз,  Холназаров  Азизшоҳ  ва Отахӯҷаев Қаҳрамон тавассути  ҳавопаймо аз шаҳри Ростови  лаби  Дон  ба  шаҳри  Хуҷанд  рафтанд.