Соҳибкорӣ миёни бонувони тоҷик рушд меёбад
Душанбе,08.05.2015.(АМИТ «Ховар», Марзия Саидзода).-Дар Душанбе ҷаласаи якуми Гурӯҳи корӣ оид ба рушди соҳибкории занон доир гардид. Нигина Анварӣ -муовини раиси Кумитаи давлатии сармоягузорӣ ва идораи амволи давлатии ҷумҳурӣ, ки ҳамзамон роҳбарии ин гурӯҳро ба уҳда дорад, гуфт, гурӯҳи корӣ ҷиҳати татбиқи банди 30-и Нақшаи чорабиниҳои марҳилаи дуюми «Барномаи дастгирии давлатии соҳибкорӣ дар Ҷумҳурии Тоҷикистон барои солҳои 2012-2020» ва боби сеюми «Стратегияи миллии фаъолигардонии нақши занон дар Ҷумҳурии Тоҷикистон барои солҳои 2011-2020» таъсис шудааст.
Нигина Анварӣ зикр кард, ки ҳадафи асосии таъсиси Гурӯҳи корӣ, рушди соҳибкорӣ миёни бонувони кишвар тавассути таҳкими механизмҳои ҳамкорӣ байни давлату бахши хусусӣ ва таъмини муколамаи озоди мақомоти давлатӣ, бахши хусусӣ, ассотсиатсияҳои соҳибкорӣ, шарикони рушд ва ҷомеаи шаҳрвандӣ дар самти рушди соҳибкории занон дар Тоҷикистон маҳсуб меёбад.
Дар ҷаласа аъзои Гурӯҳи корӣ аз ҳисоби намояндагони мақомоти давлатӣ, шарикони рушд ва бахши хусусӣ, аз ҷумла, занони соҳибкори кишвар иштирок намуданд. Ҷавоҳир Акобирова -мудири шуъбаи гендерӣ ва муносибатҳои байналмилалии Кумитаи кор бо занон ва оилаи назди Ҳукумати ҷумҳурӣ оид ба бахши сеюми «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020», ки ба дастгирии рушди фаъолияти соҳибкории занон нигаронида шудааст, инчунин оид ба корҳои анҷомдодаи Кумитаи кор бо занони кишвар дар ин самт маълумот ироа намуд.
Ҳамзамон доир ба самтҳои фаъолияти Гурӯҳи корӣ, мушкилоти рушди соҳибкории занон ва ҳалли онҳо аз сӯи намояндагони бахши хусусию шарикони рушд ибрози назар шуд. Бояд тазаккур дод, ки фаъолияти Гурӯҳи корӣ оид ба рушди соҳибкории занон аз ҷониби Бонки Аврупоии Таҷдид ва Рушд ва дигар шарикони рушд дастгирӣ меёбад.
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар деҳаи Фатмеви ноҳияи Айнӣ муассисаи таълимӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
«Истиқлоли Тоҷикистон ва эҳёи пайвандҳои таърихию фарҳангии мардумони ориёитабор». Дар ин мавзуъ ҳамоиши илмӣ баргузор мешавад
35-СОЛАГИИ ИСТИҚЛОЛИ ДАВЛАТӢ. Бо иштироки кормандони вазорату идораҳо дар Душанбе ҳашари ободонӣ ва тозакорӣ баргузор шуд
Судяҳои Тоҷикистон дар Остона дар конфронси байналмилалӣ иштирок намуданд
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Имкониятҳои сайёҳии Тоҷикистон дар 14-умин Намоишгоҳи байналмилалии сайёҳии Макао муаррифӣ мегарданд
Нақшаи даъвати баҳории шаҳрвандони Тоҷикистон ба сафи Қувваҳои Мусаллаҳ беш аз 80 фоиз иҷро гардид
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Дар Хуҷанд сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон – 2026 баргузор гардид
