Тадбирҳои ҷилавгирӣ аз тундгароии исломӣ

Май 5, 2015 16:22

    Душанбе, 05.05.2015.(АМИТ «Ховар», Марзия Саидзода).- «Ба роҳ мондани омӯзиши фанни таърихи ислом дар мактабҳои  таҳсилоти миёнаи кишвар, инчунин тақвияти идеологияи  давлатӣ ва дунявӣ дар мактабу донишгоҳҳо аз тадбирҳои муассир дар самти ҷилавгирӣ аз пайвастани ҷавонон ба гурӯҳҳои ифротию тундгароии мазҳабӣ арзёбӣ мегардад. Ин пешниҳодро  Худобердӣ Холиқназар — директори Маркази тадқиқоти стратегии назди Президенти Тоҷикистон дар мизи гирд дар мавзӯи «Масоили рушди ҷомеаи  шаҳрвандӣ дар раванди пешгирии тундгароии исломӣ ва экстремизм» дар Душанбе ироа кард. Мавсуф гуфт, ки  роҳандозии курсҳои кӯтоҳмуддат барои ҷавонон, ки фарогири мавзӯъҳои диниву дунявианд, бунёди  марказҳои  фарҳангию варзишӣ, баланд бардоштани сатҳи иҷтимоии ҷавонон, омода намудани мутахассисон дар самти мубориза бо тундгароии мазҳабӣ ва ифротгароӣ, нашри адабиёти таблиғотӣ бобати ҷилавгирӣ аз ин зуҳуроти нангин, тақвияти назорат дар мавриди  додани шиносномаҳои хориҷӣ, инчунин назорат ба афроде, ки ҳаҷ намудаанд, аз тадбирҳоест, ки мебояд онҳоро дар самти ҷилавгирӣ аз тундгароии исломӣ ва экстремизм дар кишвар роҳандозӣ намуд.
     Инчунин роҳбари Маркази тадқиқоти стратегии назди Президенти Тоҷикистон пешниҳод кард, ки  шахсоне, ки ҳамчун эмиссар боздошт шудаанд, онҳоро  бояд дар маҳбас дар ҳуҷраҳои алоҳида нигоҳ дошт, зеро чунин афрод-эмиссарҳо ҳатто дар маҳбасхона имконияти бештари таблиғоти ақидаҳои ифротию тундгароиро доранд. Ба қавли Худобердӣ Холиқназар,  бархе аз эмиссарҳо вориди кишвар мо гардида, махсус ҷиноят содир менамоянд, то дар маҳбасхона қарор дошта бошанду таблиғот намоянд. Инчунин дар мавриди манъи воридоти либосҳои динӣ, хусусан моли кишварҳои арабӣ ба қаламрави Тоҷикистон мебояд сохторҳои марбутаи Тоҷикистон тадбирҳои муассир андешанд, таъкид кард. Х. Холиқназар.        Бо дахли муҳимият ва оқибатҳои хатарзо доштани гароиши ҷавонон ба гурӯҳҳои тундгарою ифротӣ Х. Холиқназар пешниҳод сохт, ки мебояд сохтори ҷавонони кишвар дар алоҳидагӣ фаъолият дошта бошад, зеро гурӯҳҳои  ифротӣ асосан ҷавононро, ки неруи бузурги ҷомеа маҳсуб меёбанд,  фирефтаи дасисаҳои худ қарор дода, онҳоро гумроҳ намуда, на танҳо ҳаёти ҷавонон, балки авзои минтақаро зери хатар мегузоранд. Зикр гардид, ки мардуми Тоҷикистон ба  амалҳои тундравони динӣ ва ифротӣ назари нек надоранд ва эҳсоси бадбинӣ мекунанд. 
 
 

Май 5, 2015 16:22

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд