3 млн. истеъмолкунандаи маводи мухаддири мамнӯъ афзуд

Душанбе, 26.06.2015. (АМИТ «Ховар», Манижа Баҳромзода).-Аз  рӯйи  санҷишҳо соли  2015  дар  маҷмӯъ  246  млн  нафар  ва ё  ҳар  20-умин  истиқоматкунандаи  сайёра  дар синни  аз 15 то 64- солагӣ маводи мухаддири мамнӯъро  истеъмол  кардааст,-иттилоъ дод имрӯз Юсуф Қурбонов-ҳамоҳангсози байналмилалии  лоиҳаи  Раёсати СММ оид ба маводи мухаддир ва ҷинояткорӣ дар Осиёи Марказӣ зимни муаррифии маърӯзаи ҷаҳонии  маводи мухаддир дар соли 2015. Номбурда гуфт, шумораи истеъмолкунандагони маводи мухаддири мамнӯъ дар муқоиса ба соли гузашта 3 млн нафар зиёд шудааст.  Ҳамчунин иттилоъ дода шуд, ки аз рӯйи ҳисоби  афзоиши  шумораи аҳолии ҷаҳон  дараҷаи  истеъмоли маводи мухаддири мамнӯъ дар ҷаҳон бетағйир хоҳад  монд.
Ёдовар мешавем, ки ҳамасола 26 июн дар саросари ҷаҳон ҳамчун рӯзи байналмилалии мубориза бар зидди маводи мухаддир таҷлил мегардад. Бахшида ба ин рӯз имрӯз дар Агентии назорати маводи нашъаовари назди Президенти Ҷумҳурии Тоҷикистон дар якҷоягӣ бо Ассотсиатсияи велосипедронони Тоҷикистон ва Академияи олимпии кишвар мусобиқаи  велосипедронӣ баргузор гардид.