21 нафар донишҷӯи ДСХ соҳиби дипломи аъло гардид

Душанбе, 3.07.2015. (АМИТ “Ховар”, Раъно Нусратуллозода).-“Аз 602 нафар хатмкардаи соли 2015 аттестатсияи давлатиро бо баҳои аъло 110 нафар,  бо баҳои хуб 154 нафар, хубу аъло  75 нафар, бо баҳои қаноатбахш  122 нафар  ва бо баҳои омехта  141 нафар супорид,- зикр намуд ректори Донишкадаи соҳибкорӣ ва хизмат  Диловар Қодиров имрӯз зимни нишасти матбуотӣ. 
Зикр шуд, ки аттестатсияи давлатии хатмкунандагони соли таҳсили 2014-2015 моҳҳои май — июни соли 2015 баргузор гардид 
21 нафар хатмкунанда соҳиби дипломи аъло гардид. “Соли ҷорӣ аввалин маротиба зинаи магистратураро аз рӯи ихтисоси иқтисодиёти ҷаҳон гурӯҳи таҳсил бо забони англисӣ хатм намуд, ки  3 нафар хатмкунандаи он соҳиби дипломи аъло гардид”,-гуфта шуд дар нишасти матбуотӣ.