«Дастгирии молиявӣ ва рушди бахши воқеӣ дар минтақаи СҲШ»-семинар дар Чин
Душанбе, 24.07.2015 (АМИТ «Ховар», Лайло Тоирӣ),- Дар доираи созишнома миёни бонкҳои аъзои ИБ СҲШ барои омода намудан ва такмили ихтисоси мутахассисон ҳоло дар шаҳри Пекини Чин дар мавзӯи «Дастгирии молиявӣ ва рушди бахши воқеӣ дар минтақаи СҲШ» семинар ҷараён дорад, ки дар он аз «Амонатбонк» муовини раиси Раёсат Исломиддин Хайриддин ва корманди идораи муносибатҳои байналхалқӣ Баҳром Раҳматов иштирок доранд.
Дар семинар намояндагон аз лоиҳаҳои инвеститсионие, ки аз ҳисоби маблағҳои ҷалбшуда сармоягузорӣ шудаанд, даъват гардида, ҳамзамон дар баробари намояндагони «Амонатбонк» аз ШСХК «Барқи Тоҷик», Заводи арзизи Тоҷикистон «ТАЛКО», Ширкати коркард ва истеҳсоли маҳсулоти пахтагин «Фаронак» ва Корхонаи мурғпарварии ноҳияи Шаҳринав, инчунин намояндагони ҶСК «Агроинвестбонк» ширкат доранд.
Дар семинар масъалаи густариши ҳамкории молиявӣ дар самти татбиқи лоиҳаҳои инвеститсионӣ аз тариқи Роҳи бузурги абрешим, ки қарнҳо Уқёнусияро тавассути Осиёи марказӣ, канори соҳилҳои баҳри Сиёҳ бо Аврупо пайваст менамуд, баррасӣ мешаванд.
Тоҷикистон ягона давлате мебошад, ки пешниҳоди Роҳбари Ҷумҳурии Мардумии Чин Си Зинпинро таҳти унвони «Як самт-як роҳ» барои ташкили «Хатти иқтисодии Роҳи Абрешим» ҷонибдорӣ намудааст.
Семинари мазкур то 26-уми июл идома ёфта, дар он роҳҳои саҳеҳу осонтар ҳал намудани масъалаҳои пешгузошта баррасӣ мегарданд.
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос шуд
Беш аз 700 соҳибкори Бадахшон бо дастгоҳи назоратӣ-хазинавӣ таъмин мешавад
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
