И. Ҷобиров: Даромади «Тоҷикаэронавигатсия» 13,8% афзуд

Душанбе, 23.07.2015. (АМИТ «Ховар», Лайло Тоирӣ).-  «Дар шашмоҳаи аввали соли равон  даромади умумии муассиса нисбат ба ҳамин давраи соли гузашта 13,8% зиёдтар гашта, хароҷот 18,9 %  зиёд шудааст»,- гуфт директори генералии КВД «Тоҷикаэронавигатсия» Иброҳим Ҷобиров  имрӯз зимни нишасти матбуотӣ. Пардохтҳои КВД «Тоҷикаэронавигатсия» ба буҷети давлатии Тоҷикистон дар  нимсолаи аввали соли  2015  беш аз 8 млн. сомониро ташкил дод, ки нисбат ба ҳамин давраи соли 2014 дар маҷмўъ 52,8%  зиёдтар аст.       Ба гуфти И. Ҷобиров пардохти қарзи кредитории КВД «Тоҷикаэронавигатсия»   тибқи реҷаи тасдиқшуда идома ёфта, дар вақти ҳисоботӣ дар маҷмўъ 1 млн. 526 ҳазору  568 сомониро ташкил медиҳад.