Расонидани ёрии аввалини тиббӣ ва ҳифзи саломатии маризону дардмандон
Душанбе, 15.07.2015. (АМИТ «Ховар», Лайло Тоирӣ).- Расонидани ёрии аввалини тиббӣ ва ҳифзи саломатии маризону дардмандон мавзӯи асосии ҷамъомади методӣ-таълимие буд, ки дар Шифохонаи марказии ҳарбии Вазорати мудофиа бо ҷалби масъулини хадамоти тиббии қисму воҳидҳои ҳарбии тобеи вазорат баргузор гардид. Дар ҷараёни машғулият иштирокдорон бо таҷҳизоти тиббии замонавӣ ва роҳу воситаҳои истифодаи он шинос гардиданд.
Бино ба иттилои хадамоти матбуоти Вазорати мудофиа дар ҷамъомад муовини вазири мудофиаи мамлакат Сайдамир Розиқзода иҷрои бенуқсони вазифаҳои хизматӣ, дастгирии мутахассисони ҷавон ва омодагии ҳамаҷонибаи тиббиро муҳим ва зарурӣ арзёбӣ намуд.
Қисмати амалии ҷамъомад дар нуқтаи тиббии саҳроии назди Шифохонаи марказии ҳарбӣ ҷараён гирифт. Дар нуқтаи омӯзишӣ хизматчиёни ҳарбӣ роҳу усулҳои табобат дар шароити кӯҳу саҳро ва табодули таҷрибаомӯзӣ аз якдигарро омӯхтанд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
