«Танзими фурӯши тухми озуқаворӣ ва гӯшти парранда»- семинар

Душанбе,  28.07.2015 (АМИТ «Ховар», Рафоати Абдулҳамид).- Имрӯз дар Агентии «Тоҷикстандарт» дар мавзӯи «Ба танзим даровардани фурӯши тухми озуқаворӣ ва гӯшти парранда» семинар баргузор гардид.
 Дар кори семинар сардорону муовини аввали ин ниҳод Олимзода Миралӣ ва дигарон иштирок намуданд. 
Олимзода Миралӣ зикр намуд, ки воқеан имрӯз Ҳукумати Ҷумҳурии Тоҷикистон ҷиҳати таъмини аҳолии кишвар бо маҳсулоти истеҳсоли ватанӣ талоши зиёд менамояд ва дар ин самт барномаҳои судманд низ қабул гардидаанд.
Сипас иштирокчиёни семинар дар мавзӯъҳои «Риояи қоидаҳои санитарӣ- гигиенӣ дар корхонаҳои парандапарварӣ», «Риояи талаботи стандарти тухми озуқавӣ кафолати болоравии нуфузи корхонаҳои истеҳсолӣ ва саломатии ҷомеа», «Талабот оид ба фурӯши тухми озуқавӣ ва гӯшти парранда», «Таҳлили моддаҳои дахлдори Кодекси ҳуқуқвайронкунии маъмурӣ» сухан гуфтанд.