Вохӯрии ҷавонони фаъоли ВМКБ бо Раҳимзода Рамазон

Душанбе, 03.07.2015. (АМИТ «Ховар», Лайло Тоирӣ).-Вазири корҳои дохилӣ генерал-лейтенанти милитсия Раҳимзода Рамазон Ҳамро бо гурӯҳи ҷавонони фаъоли Вилояти Мухтори Кӯҳистони Бадахшон, ки аз шаҳри Хуҷанди вилояти Суғд баргаштаанд, вохӯрд.
Бо  ташаббуси роҳбарияти Вазорати корҳои дохилӣ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон як гурӯҳ ҷавонону донишҷӯёни Вилояти Мухтори Кӯҳистони Бадахшон ба вилояти Суғд сафар намуда, тайи се рӯз дар меҳмонии сокинони шаҳри Хуҷанд қарор доштанд. 
Вазири корҳои дохилӣ изҳор намуд, ки Роҳбари давлат ва Ҳукумати мамлакат баҳри шукуфоӣ, пешрафт, сулҳу субот ва тараққиёти соҳаҳои гуногуни ҷумҳурӣ тамоми имкониятҳоро фароҳам овардааст, то ҷавонон, ки неруи созандаву бунёдкори ҷомеа маҳсуб мешаванд, қувваю тавоноии худро барои созандагию ободонӣ ва арҷгузорӣ ба арзишҳои миллӣ равона созанд».
Ҷавонону донишҷӯён аз ташкили сафар ба вилояти Суғд ва чунин як вохӯрии судманд ба вазири корҳои дохилӣ изҳори миннатдорӣ намуданд.
Ҷавонон  баъди бозгашт аз вилояти Суғд аз пойтахти Тоҷикистон  ва дастовардҳои даврони истиқлол дидан карда, боғи «Ирам»-и пойтахт, Маркази Исмоилия, Осорхонаи миллӣ, Парчам, Нишон, Рамз ва Кохи Наврӯзро тамошо намуданд.