Афғонистон: ноҳияи Мусо-Қалъа аз толибон озод карда шуд

Душанбе, 31.08.2015. (АМИТ «Ховар»). – Вазорати дифои Ҷумҳурии Исломии Афғонистон эълом дошт, ки ноҳияи Мӯсо Қалъаи музофоти Ҳилманд аз толибон озод карда шуд.
Бино ба иттилои  «Хома пресс», дар рафти амалиёти низомӣ беш аз 220 ҷангии Толибон кушта ва захмӣ карда шудаанд. Инчунин нерӯҳои амниятӣ садҳо таҷҳизоти таркандаи худсохтро  ошкор ва безарар гардониданд.
Ёдовар мешавем, ки рӯзи чоршанбе силоҳбадастони  Толибон қисми зиёди ноҳияи Мӯсо Қалъа, аз ҷумла маркази маъмурии онро забт карда буданд. Нерӯҳои Афғонистон бо дастгирии СААШ (НАТО) амалиёти барқарорсозии назоратро дар ин минтақа оғоз карданд.