Қасдан расонидани зарар ба саломатӣ

 Душанбе, 5.08.2015. (АМИТ «Ховар», Лайло Тоирӣ).- Сокини  47-солаи ноҳияи Шӯрообод 4 август ба ШВКД ҳамин ноҳия дар бобати лату кӯб намудани писараш муроҷиат намуд. Бино ба гуфтаи вай  шаби 1-уми август, тахминан соати 20:30-дақиқа, дар деҳаи Порвори ноҳияи мазкур шахсони номаълум, писари 19-солаашро  лату куб намуда, дар натиҷа ҷавон ҷароҳати ҷисмонӣ бардошта, дар беморхона бистарӣ гардидааст. 
Тавре ки аз хадамоти матбуотии ВКД иттилоъ доданд, зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия ду ҷавони 18-сола, сокинони ҳамин ноҳия бо гумони қасдан расонидани зарари вазнин ба саломатӣ дастгир карда шуданд. 
Нисбати далели мазкур парвандаи ҷиноятӣ оғоз гардида, тафтишот идома дорад.