Бо корд расонидани зарари ҷисмонӣ ба саломатӣ

Душанбе, 20.08.2015 (АМИТ «Ховар», Руқияи Боймамад).- Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия, марди 25-солаи сокини шаҳри Қурғонтеппа, ки пеш бо моддаи 248 қисми 2 КҶ Ҷумҳурии Тоҷикистон суд шудааст, бо гумони расонидани зарари ҷисмонӣ ба саломатӣ дастгир гардид. Муайян карда шуд, ки гумонбаршуда санаи 18.08.с.2015, тахминан соати 15:50-дақиқа дар кӯча бо марди 26-солаи сокини ноҳияи Бохтар, муноқиша намуда,  бо корди дар дасташ буда якчанд маротиба ба дасти рост ва тарафи рости шикамаи  ҷабрдида задааст. Дар натиҷа, ҷабрдида, ҷароҳати ҷисмонӣ бардошта, дар беморхона бистарӣ гаштааст. Нисбат ба далели мазкур парвандаи ҷиноятӣ оғоз гардида, тафтишот идома дорад.